魚翅婚宴--人情七五折 的荒謬理論 及 陰謀論

雖然呢份新聞真係好OUT, 不過我仍然係好想打呢一篇野出黎。
近期睇得多GAME THEORY, 越覺得呢個魚翅婚宴--人情七五折 係好荒謬。

首先，人地婚宴有魚翅，如果你唔想有殺生，要保育就黎死晒既鯊魚，點解你唔係選擇唔去，而係只俾少D人情?

魚已殺，你俾少D人情只係罰訂酒席既一對幸福新人，但你既出現，已經為DEMAND CURVE出左你既一份力，咁將來，魚仍是要殺。 何不你一收到張帖就問新人「你有冇魚翅先，你有我唔去, 你快D去訂少一份！如果係朋友，想我去，你叫埋其他FRD邊D人唔要魚翅，湊夠一木台一齊SKIP左O個樣送既，咁我咪去LOR!!」

只有你唔去，或於酒樓層面唔叫O個樣送，將來的DEMAND ESTIMATION才會下降。你只係俾少D人情，根本同DEMAND係兩碼子的事。

如果你認為俾少D人情係對新人既"懲罰"，咁點解係要訂做七折呢? 俾少D其實對新人黎講係壓力不大。
以GAME THEORY既納許均衡黎講。
金錢 VS 請你食翅有面子。O係而家呢一輩人黎講，"唔請飲都唔係問題" 加上"先付酒席後回禮金"既制度下，請飲係為大家一齊鄧佢地高興同要應付親戚及要有面子，你俾STANDARD 500 同350, 分別唔大。反正佢都花左D錢請得你地飲，佢已經俾左錢，你之後俾佢既, 係佢賺返幾多，所以350 定500, 你呢個都係REINFORCEMENT!

人到, 新人賺到面子, 有350禮金, 除非你去到黑面, 生事, 如果唔係, 佢基本上已經賺左佢要O係一個賓客上賺到既大部份野。 新人, 冇蝕到, 魚商, 酒樓, 亦冇蝕到。

再者呢個係ONE OFF既EVENT, 對新人SUPPOSE 只會呢一世擺一次酒(或佢地都希望只係一次), 咁你罰佢又點? 佢冇TAKE TWO 既機會。

咁究竟，魚翅婚宴--人情七五折係罰左咩人, 又令咩人受益呢?

受益既, 大概只可以用陰謀論黎講。
1. 一D 又想有面子而講唔起(或唔想請)人食翅既人。

因為佢地某D原因唔想出咁多錢，但又認為要一齊食一餐。
其實好又係一餐, 唔好又係一餐, 你俾D咩我食, 我都係預先買左張禮卷架啦~ 大家一齊打邊爐我都俾500你架啦~!! 大家開心咪算LOR~ 可惜佢地又要面呀~ 結果強行用呢個理由話自己環保，唔會俾翅你食, 最多我賺你少D~

2. 一D想食又唔想俾咁多人情既人
我口話唔食, 你唔環保, 但我又想食, 所以整個FACEBOOK GROUP, 同你講我人照到, 翅照食, 但係"罰"你我會俾少D 你~
所以講到尾, 如果真係跟住魚翅婚宴--人情七五折, 最SO既, 都係O個個只係俾350 就翅照食既人。

可能有人話, 我去到唔食翅架真係~!!!
但如上所講, 你人到左, 人地咪又係一早預左你O個份~!! 你唔食, 咪只係益左隔離陳大文個仔~! 對成個ECO-ECONOMIC WORLD黎講, 你既行動係冇VALUE.

最後, 呢個問題係冇可能咁易解決到, 其實呢個同減排一樣, 都係GAME THEORY入面既 Tragedy of the commons. 你唔食而其他人食埋你O個份, 根本呢個問題冇解決到。

咁究竟, 最後應該要點先可以令鯊魚唔絕種呢? 到各國領袖都傾得掂減排O個日, 應該就解決得到啦~